حرام يا بعض الزلم تلبس عكال

حرام يا بعض الزلم تلبـس عكـال
ويحليل لف النســـا للعمـايــــــم



اليدعي انو غدا اليوم رجّــــــــال
ويطك علكه بمقصف الليل نايـم



هذي الحكايه لابد اليوم تـنـكـال
ولابد تحملها هبوب النســــايـم




اللي تباهى بيننا برفـــع الأثقـال
واللي تخلف عن عقول الـزلايـم



لو كلموه بساع طالب ب جـوال
واللي تبعد يبتلي بالشــتـايـم



وياماحشه يدور القيـل والقـــــال
ومسوي روحه حـر بالجـو حـايـم



ثاري العقل ما توزنه جبال وجبـــال
ومن فقد عقله مالفرق والبهايـم



ردتك سند لومايل الوقت بـي مـال
يا ولـد عمي يـا عظيـم العزايـــم



يا زاكي العم يازاكــــي الخــــــال
يا ملفّي المرعوب وقـت الهزايـم



اوصيك فيها يا اخي طولـة البـال
واوصيك في مرّ الصبر بالظلايـم



واوصيك بالدلّـه تبي اليوم فنجـال
وفنجالها عن ردي الطبـع شــايـم



ودينك تصونه وخلـّه للقلـب منـزال
واسلك طريق الخير وإبليـس نايـم



واللي عصى ربه وهو طيـب الحـال
بالضيـق بالحسرات بالضيم هايـم



اوصل صلاتك بالجماعـات ورجـــــال
هذي الغنيمه وهي نعـم الغـنايـم



وبنصف ليلك كيف يهنالك البـــال
جربها تؤجر بـيـن ساجـد وقايـم



الله يسجل يافتـــى كـل الأعمـال
ومحلاك يوم الحشر لو قال صايـم



شريف قصدك اخي ياطيـب الفـال
وخبث النوايـــــــا للبيوت الهدايـم



واياك تمشي يا أخي بدرب الأنـذال
واياك تتبع من يجيـــــــــب النمايـم



وخلك اصيل وطيلة الوقت خيّـال
والماصمد الن تجيــــه الهزايـــم



وان كنت ناسي انك الحين رجال
خساره والله فيك ذبح التمـايـــم