ياالله يا كاشف عن المضطر كل غم

ياالله يا كاشف عن المضطر كل غم
عالنبي صلي واكتب إلنا الشفاعه

يوم الحشر يومن الناس تلتم
ويضيع الضنى وامه ما تدري بضياعه

قم يافتى اعمل الخير واعلم
ان الحياة ليامن ادركت ساعه

ومن راقب الناس تراه يموت بالهم
جد واجتهد واطلب من البحر قاعه

هذا قصيدي موجه لناس تفهم
ومودع بأرشيف اهلي وداعه

اياك تلطخ اصبعك يوم بالدم
واياك تجرح مقتنع في قناعه

ان تثلم خويك اكيد بيوم تثلم
وكم من مقنع زال عنه قناعه

ما ينفع الخملين لا خال لا عم
وما نقص الطيبين قول بشناعه

مر الصبر اجرعه فيك والهم
وأجبر يراعي ما يصور بشاعه

الباطل اللي في حقوقي تلعثم
لابد يأتي ويعترف بانصياعه

هذي الحياة دروس منها نتعلم
فيها فنون الشعر وفيها الطباعه

وفيها صلة ارحام لابد ترحم
وفيها الجهاله تحتمي بالقطاعه

وفيها المحبه ويمكن تكون مغرم
وفيها العداوه والقوي له ذراعه

ليامن تلاكينا لبعضنا ونتبسم
وكل منا اهدى للخوي من متاعه

مو احسن من اللي منتفش ويتبرم
وما همته زبيد ونجد وخزاعه

هذا الكناري زارك الحين واسلم
يونس جبوري ومنك الامر راعه

ياالله يا كاشف عن المضطر كل غم
عالنبي صلي واكتب إلنا الشفاعه

الكناري
يونس الجبوري
19/2/2009