انثى لا يكررها القدر المدير العام المساعد
عدد الرسائل : 141 اوسمة : تاريخ التسجيل : 15/05/2009
| موضوع: الدراجي والله يااخي مدوختني السمره الأحد نوفمبر 15, 2009 1:29 am | |
| اخي العزيز سلام الدراجي المحترم
هديتي لك في الديوان مع التقدير
قطره ابحر شعرك ابد ما ننحسب بالمره
الدراجي والله يااخي مدوختني السمره
ومرات هالاكتب شعر اشكيلها احوالي
وكلما احضر قافيه تضيع مني الفكره
ربك جمع بيها الحسن من كربلا والموصل
ومن دهوك واطراف النجف والمنتفج والبصره
وتاهت عليه حسبتي بالمنتدى والياهو
وحتى لاهلها يا بطل آني بصمت بالعشره
ولسبايسي شعري وصل وامتلت منه الشاشات
امن تكللي كنوري انتعش وتفيض بيه العبره
حقه اثاري عنتره من جان يبجي لعبله
جنت آني الومه من قبل ليما اجت هالحره
ولما كنت خالي الفكر اضرب عشاي واهجد
وهسه اواصل ليلتي ويه النهار بحسره
شتشوف شتدبر عليّ ياخوي بس ساعدني
اتركها لو اظل بقهر لو اخون ذيج العشره
لولا اكسر الحاسبه ومنتدياتي اهجرها
لو امشي واترك هالبلد واضيع وحدي بره
والله حيره يالربع مدري شسوي وارتاح
مكدر اضم سري بعد رايح اكسر الجرّه
قطره ابحر شعرك ابد ما ننحسب بالمره
الدراجي والله يااخي مدوختني السمره
ملاحظه:الاخ سلام الدراجي مشرف قسم في منتديات الفرات وكانت هذه القصيده رد مني على مروره بقصيدة( مريم حياتي) هناك قبل قليل من الان
الكناري يونس الجبوري 3/8/2009 | |
|