رغم كل الجنـون اللـي اكتبه بالزعل اهـواك

رغم كل الجنـون اللـي اكتبه بالزعل اهـواك
ورغم كل الخطا منك تعال بصمت راضيني

انا في ساعة اجنوني قلت لك روح الله وياك
لكـن يالغـلا صـدق جنـونـي فيـــك يبكـيـنـي

تعال اجلس معي لحظه تعال اهمس انا ابغاك
تعال احضنّي من راسي احب صدرك يدفيني

تعال إرسِم على ضلوعي وأنا أكتب على يمناك
إرسِم صورتك فيني..وأنا أكتب ( نظر عيني)

تعال اجلس عن يميني وانا اجلس على يسراك
يمينك في يساري تصيرويسارك تحضن يميني

حط راسك على كتفي وانا اهمس لك انت شجاك
طاوعني ابد لتجيبلي عاذل..وتحطه بينك وبيني

أبِي المس وجهك ألدافي عيونك خدك من شفاك
اصابع يدي تحرقها ابي انفاسك تموتني وتحييني

نعومة وجهك اعشقها واحبك بالزعل ورضاك
واذا تزعل احبك مووت عشـان بكلك إتجيــنـي

سامحني انا مخطي ابد ماهو انت .. لا حاشاك
انا اتحمل اخطائك دام انك يعمري منور سنيني

فديتك كم احبك كم بنومك .. جلستك .. ممشاك
دموعك..بسمتك..الصوت..يونس..هيه..تناديني

رغم كل الجنـون اللـي اكتبه بالزعل اهـواك
ورغم كل الخطا منك تعال بصمت راضيني

الكناري
يونس الجبوري
8/2/2010

تتساقط الحروف من رباب قلمك لؤلؤاً نقياً
لتشكل قصيدة رائعة
كالعقد الفريد

مبدعٍ كما عهدي بك دائما
دمت للإبداع عنوان
تقبل حروفي المتواضعة
بين فخامة سطورك

ودي لأنفآسك

تعودت ردودك الرائعه وخبرت فنون الحرف الذي ينسجه قلمك
ياملكة الخواطر ومطرزة الابداع
يسلم هالمرور
تحيتي لك