@ نور الحياة @
ديواني ((عونك ياوطن )) 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا ديواني ((عونك ياوطن )) 829894
ادارة المنتدي ديواني ((عونك ياوطن )) 103798
@ نور الحياة @
ديواني ((عونك ياوطن )) 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا ديواني ((عونك ياوطن )) 829894
ادارة المنتدي ديواني ((عونك ياوطن )) 103798
@ نور الحياة @
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةديوان الشاعر الأحدث الصورالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» لَا عِيدَ بَعْدَ أبِي ،، للحسناء
ديواني ((عونك ياوطن )) Icon_minitimeالسبت سبتمبر 30, 2017 3:25 pm من طرف يونس ألجبوري

» رُؤَى
ديواني ((عونك ياوطن )) Icon_minitimeالسبت مارس 11, 2017 5:02 am من طرف يونس ألجبوري

» ازهيريات في الموعضه__بقلمي
ديواني ((عونك ياوطن )) Icon_minitimeالإثنين مارس 19, 2012 9:57 pm من طرف ابو حميد الراشدي

» غريب
ديواني ((عونك ياوطن )) Icon_minitimeالثلاثاء يناير 17, 2012 1:16 pm من طرف hafsa hafoussa

» كلمات تجعلكم تبتسمون رغم قساوتها
ديواني ((عونك ياوطن )) Icon_minitimeالإثنين يناير 16, 2012 11:05 am من طرف hafsa hafoussa

» الحياة
ديواني ((عونك ياوطن )) Icon_minitimeالإثنين يناير 16, 2012 11:04 am من طرف hafsa hafoussa

» شرح تنصيب برنامج تحويل WindowS Xp إلى WindowS VistA
ديواني ((عونك ياوطن )) Icon_minitimeالسبت ديسمبر 24, 2011 9:02 am من طرف ريم الغلا

» كنت اتمنى ازورك بالمنام
ديواني ((عونك ياوطن )) Icon_minitimeالثلاثاء ديسمبر 06, 2011 4:18 am من طرف الكناري يونس الجبوري

» اعترف ان الغلا مو بيدك ولا بيدي
ديواني ((عونك ياوطن )) Icon_minitimeالإثنين ديسمبر 05, 2011 2:50 am من طرف الكناري يونس الجبوري

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
مارس 2024
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031
اليوميةاليومية

 

 ديواني ((عونك ياوطن ))

اذهب الى الأسفل 
3 مشترك
كاتب الموضوعرسالة
الشاعر حاتم الهاشمي
المدير العام المساعد
المدير العام المساعد



عدد الرسائل : 13
اوسمة : ديواني ((عونك ياوطن )) 9f14e6fcb1
تاريخ التسجيل : 16/02/2010

ديواني ((عونك ياوطن )) Empty
مُساهمةموضوع: ديواني ((عونك ياوطن ))   ديواني ((عونك ياوطن )) Icon_minitimeالأربعاء فبراير 17, 2010 12:48 pm

ديوان عونك ياوطن
قصائد وابوذيات للحبيب العراق
1- قصيدتي كالو كتبتها للبطل منتظر الزيدي بعد ان تشدق البعض بان المجرم بوش هو ضيف العراق وليس من المناسب مافعله البطل الزيدي
گالوضيف عدكم


گالو ضيف عدكـــــــم عيب ينــــــــهان
وأبن العرب ضيــــفه يكــــــرمه يهابه
وگالو يبقى واجب احتـــرام الضــــــيف
ويضل عامر مضيف الطيب بأصحـابه
صح ما نختلف والگال مو غلــــطـــان
ويضل اني مضيفي مشرعه ابوابـــــه
وآنه بعمري وحياتي الضيف مارديت
وآنه گهوة دلالي تبات گلابـــــــــــــــه
وأنا اعرف الضيف واعرف المطلوب
وأقرا الضيف أني وأعرف شجابـــــه
وضيف اللي يجيني وينحـــــسب خطار
يستأذن يطـــــــب البيــــــــت من بابه
وبوش احنا من أجانه سكوت موخطار
محتل واجاني مكشــــــــــــــــــر انيابه
شلون تريد أكرمه وينحسب ضيف
وياضيف اليجي مسيير بدبــــــــابه
كتل خوتي وعمامي بكل برودة دم
شلون تريد مني يكون ترحابــــــه
وخنگ بيــه فرحتي وضحكة الاطفال
وذبــــــح ستر العراقيات بحـــــــرابه
تريد أنسى المهانة وسجن ابو غريب
وشعب عاري يصوره أمنزعـــــه ثيابه
تريد أنسى عــــبير ألماتـــــت بلاذنب
وليهسه بگبرهه تصيح يايابــــــــــه
تريد أنسى العراق أليوّن صار سنين
وتبچي دموع مايه ويصرخ ترابــــه
تريد انسى المضــــى وثار العراقيين
وعلي الهادي بسببهم نسفــو گبابه
لو انسى العراق شلون طـــــــبوه؟؟؟
وخلونــه حــــــواسم بأيـــــد سلابه
شلون تريد اكرمه وينحسب ضــيف
شلون تـــــــــريد مني يكون ترحابه؟؟؟
أليطب بيتك غصب شتگله اهلا بيك؟؟؟
ويضل سيفـــــــك ابد للـــدوم بگرابه
لتعلم يتيم على البچــــــــــي والنوح
ولاتنكر دمعته وتـــــــــعرف اســبابه
ولتعلم الكريم باحــــــــترام الضــيف
أحنا اهل الكرم والجود وأصحــــابه
احنا اهل الكرم والجود واصحابه

الشاعر حاتم الهاشمي

2- قصيدتي بوصف العراق والتغزل به


((لأن انت الشعر))
لأن أنت الشعر من ألالف للياء
قوافي الشعر بيك أتدوخ حيرانه
ردت أكتب شعر بيك وآنه ألمحتار
وأحتار القلم والچلمة خجلانه
يلأسمك قصيدة تناغي سبع بحور
والتسعه ألبقن بحروفه سكرانه
يلكلك نداوه وترف چنك ياس
ياوردة صباح شكثر ريانه؟؟
لأن أنت حلو جيرانك يحسدوك
وتتأمر عليك بغيض غيرانه
نسو أنت ألشمس وتضوي هذا الكون
وبيك ألناس دوم تعيش دفيانه
ونسو يا ما نسو أو هم يتناسون
بس رب العرش ماينسى سبحانه
يايوسف زمانك خلهم يولون
وخلي الغيره بيهم دوم حميانه
ظل انت جبل راسك يظل ليفوگ
وخلي ألواطي واطي وأتركه لشانه
لأن أنت الشعر من ألالف للياء
قوافي الشعر بيك اتدوخ حيرانه
شكتبلك شعر من يا بحر اختار؟؟
وبحور الشعر بيك تلوذ عطشانه
ياحاتم زمانك أنت كلك طيب
يمشبع بطون هواي جوعانه
يديوان العرب يامكرم الخطار
ألما جفت دلاله ونشف فنجانه
شكتب ياوطن شختار الك عنوان
وأنت للكرم مرجعه وعنوانه
أكتبلك غزل خافن أقصر بيك؟؟
يبو عيون الشهل ورموش نعسانه
يبو گلب الچبير وبيك طبع الطيب
يمفرح اليتامى وحامي خوانه
ياچاسي الفقير ومنصف المضيوم
ومأمون ألدخيل يعيش بحمانه
أكتب عالشجاعه وانت كلك زود؟؟
يسگماني ألابد مايخطي نيشانه
أكتب عالحضارة وأنت تاريخ؟؟
وتاريخك شمخ بالعالي بنيانه
أكتب علصبر يللي أنت أيوب؟؟
وأنت ألصبر منك أخذ أيمانه
أنت بكل بساطه بلايه ترتيش
كامل والكمال لاالله سبحانه
أذن..
كل ألكتبته وياك احس منقوص
ومنك أعتذر يانور دنيانه
وألف ديوان أكتب ما أوفيك
يلمنك وردنا ياخذ الوانه
يلأسمك قصيدة تناغي سبع بحور
والتسعه ألبقن بحروفه سكرانه
وندعي الباري كون يوفقك يحميك
وندعي الباري دوم يجيب دعوانه
ونقرالك الكرسي ومريم وياسين
وعيون ألتحسدك كون عميانه
وعيون ألتحسدك كون عميانه
الشاعر حاتم الهاشمي









3- عتب للبعض الذي نسى أو تناسى العراق بمحنته
((حسافه ياوطن ))
بسنين الگحط چنت انت مزنة خير
والكل تنطرك والكل يريدونك
تتنومس عمامك بيك يعراق
والك مية لقب چانو يسمونك
بوابة الشرق وناصر المظلوم
أحتارو بيك يبلادي شيسمونك
ومن راح الگحط يبلادي ماذكروك
وعليك تآمرو ماچن يعرفونك
ولاچنهم الك يبلادي خوان
غارو منك وگامو يحسدونك
مثل يوسف نبينا وحضرولك بير
رادولك الظلمة وبيه يذبونك
وأجو بعيونهم دمع التماسيح
تتأسف عليك ودغش يبچونك
وتحت جدمك حبيبي وجو النيران
وحطولك حطب رادو يحرگونك
بس برد وسلم ربك جعلهه النار
وسوه النار مثل الماي لعيونك
ويابير اليظمك وأنت فوگ الغيم
جبل شامخ ولاگدرو يهزونك
صبرا ياوطن حملك ابد ميميل
وأذا مال الحمل اهلك يشيلونك
ولدك ياوطن بالذله مايرضون
تبيع ارواحهه بس مايبيعونك
كرد وعرب ولدك والتركمان
تموت لخاطرك والكل يحبونك
وتتعافى الجروح وتنسي الالام
وباچر للمجد ربعك يزفونك
وتظل انت حبيبي دوم نبراس
وتخيب ظنونهه ألرادو يطفونك
وترجع ياوطن دوم انت رفعة راس
يعگال الشرف اهلك يلبسونك
حاتم الهاشمي


4-الى /دعاة المصالحة وتجار التفرقة ومزوري تاريخ شعبنا الابي لك ابياتي
(( نتصالح ويامن ؟؟؟؟؟))
عليمن نصطلح بيش احنا مختلفين
كافي من الچذب والله ملينه
شيعه أحنا ويه سنه نعيش متصافين
وعلى حب الوطن عشنا وتربينه
لآن حب العراق أرضعنا ويه الديس
مشينا على الدرب مايوم زلينه
ماهمنا التعب ماگلنه تعبانين
من صاح الوطن كل أحنا لبينه
وگفنه على السواتر كلنا فد حزام
وتوشحنا الفشگ لعيونه هدينه
زرعنا أرواحنا بحدوده صرنا ألغام
ومن گرب عدونا هناك طگينه
وتشظينه جثث.... بس بينه بعد الروح
رد گرب عدونا ردود طگينه
من گد مانحب ...... وأحنا متصافين
أيد بأيد أقسم والله شدينه
شيعه من الجنوب وسنة الآنبار
ملاحم علسواتر أحنا خطينه
ماچنه كتل لاچنه هيچ أحزاب
يجمعنا ألوطن فد قبله صلينه
كافي من الچذب كافي شعارات
ملينه الچذب ياساسة ملينه
وعليمن نصطلح هو أحنا مختلفين ؟؟؟؟؟
أنتو أللي أختلفتو احنا معلينه
صفو گلوبكم والله أنتو بيكم عيب
يأقزام السياسة العيب موبينه
عشنه بهلوطن رغم الجرى والصار
لاعفنه البلد لارحنا لاجينه
عشنا سنين مره وماتعبنه الجوع
والله أحنا بصبرنا الجوع بچينه
لخاطر هلوطن كلشي أحنا گلنا يهون
يستاهل وطنا اللبي تربينه
تزكي ألناس لالله وتدفع فلوس
وأحنا أرواح لآجل الوطن زكينه
ما مدينه چف بساعة العوز
ومن يضعف ألچف نگصه بأيدينه
ولادمعت عين ... وشمت بينا الجوع
والله أحنا بصبرنا ألجوع بچينه
تقاسمنه ألرغيف الكوت والآنبار
ومن عنده لآبن كركوك دزينه
وتصاهرنه بمحبه وأحنا مرتاحين
للموصل عروس الهور زفينه
نروح من الرمادي لبصرة السياب
بمصاب أبن الزبير هناك عزينه
وأذا أبن ألنجف فد يوم صاح أحاه
فزت بينه خوتنا وتعنينه
وأذا أبن الحويجه بيوم ينظام
فزعله أبن الرميثه وما غمض عينه
على الطيبات عشنا ونبقى دوم نعيش
بدوواوين الكرم والعز تربينه
ورغم كل المآسي ورغم كل ألصار
ولا ساعه زعل بيهه أحنا مرينه
لخاطر هلوطن كلشي أحنا گلنه يهون
كفانا ألوطن........... بيه أحنا كفينه
بير التفرقه كل أحنا دميناه
وأبواب الحقد بأقفال سدينه
لاتنبش بعد قصدك صفه معروف
لغز هذي السياسة بسرعه حلينه
يلتقصد تصحيي الفتنه خلهه تنام
وتره دواكم سهل ....مركوب رجلينه
نتصالح عليمن أحنا متصافين
يتجار السياسة الچذب ملينه
صفو گلوبكم أنتو الخلل والعيب
يأقزام السياسة العيب موبينه
يأقزام السياسة العيب موبين
االشاعر حاتم الهاشمي
5-ابوذياتي للعراق
ستةابــــــــوذيات وزهيري لاغلى وطن

1-دخيل الله ودخل بختك يطه
أرضنا شلون أبن زاني يطاهه
أذا راية وتشيل اسمك يطاهه
على الغيرة السلام وهاي هيه
അഅഅഅഅഅഅഅഅഅഅഅഅഅഅ
2- وحگ دستور طاهتنه ودينه
نرد فضل الوطن آلنه ودينه
نشيل أرواحنه بچفنه وأيد ينه
ويضل عالي بعلو نجم الثريه
അഅഅഅഅഅഅഅഅഅഅഅഅഅഅ
3- وطن چنت وعلي اعداي ما تلحگ
وياوسفه بترابي أليوم مات الحگ
أصيح ألحگ الي اخوان ماتلحگ
ولا واحد شگف عني آلاذيه
അഅഅഅഅഅഅഅഅഅഅഅഅഅഅ
4- بحر الموت أفوجنه وأعبره
ولا انطر يجي مركب وعبره
اشيل الوطن بچفوفي وأعبره

وحبه يظل فرض واجب عليه
അഅഅഅഅഅഅഅഅഅഅഅഅഅഅ
5- لأن بيه كرهو ديني واماني
سبوني وفرهدو أمني وأماني
حلم صار الفرح بيه وأماني
عدى وجيران شو فزعو عليه
അഅഅഅഅഅഅഅഅഅഅഅഅഅഅ
6- وحگ من أسسك يا وطن واسماك
أحب أرضك حبيب الروح وسماك
على صدري أضم للموت وسماك
وأموت فداك ياغالي عليه
അഅഅഅഅഅഅഅഅഅഅഅഅഅഅ
زهيري
متعوب گلبي ويون هم الوطن هم أله
والعين تشكي السهر وتبچي بدمع هامله
هذا العراق آلابي ألما وطى أبد هام أله
يصبح اسير ويون بيد العدى والجار
وضاع وتفرهد غدر بين السحب والجار
والله مثل الحلم هذا الجرى والجار
والضاع لولا ولد چان الگلب هامله
الشاعر حاتم الهاشمي
تحياتي وتقديري لكل اعضاء المنتدى اخوكم سيد حاتم الهاشمي


الرجوع الى أعلى الصفحة اذهب الى الأسفل
{ ~ أنفَآسّ آلألم
نائب المدير والمشرف العام
نائب المدير والمشرف العام
{ ~ أنفَآسّ آلألم


عدد الرسائل : 17
اوسمة : ديواني ((عونك ياوطن )) 9f14e6fcb1
تاريخ التسجيل : 17/02/2010

ديواني ((عونك ياوطن )) Empty
مُساهمةموضوع: رد: ديواني ((عونك ياوطن ))   ديواني ((عونك ياوطن )) Icon_minitimeالأربعاء فبراير 17, 2010 1:12 pm

الشاعر سيد حاتم الهاشمي

صح لساانك مددوشكراً
لا تفي امام هذا النبع
الرائع الذي تدفق على سواقي الصفحات

تحيةمعطرة بالورد والياسمين
اهديها لقلبك وقلمك


تحيتي
الرجوع الى أعلى الصفحة اذهب الى الأسفل
الشاعر حاتم الهاشمي
المدير العام المساعد
المدير العام المساعد



عدد الرسائل : 13
اوسمة : ديواني ((عونك ياوطن )) 9f14e6fcb1
تاريخ التسجيل : 16/02/2010

ديواني ((عونك ياوطن )) Empty
مُساهمةموضوع: رد: ديواني ((عونك ياوطن ))   ديواني ((عونك ياوطن )) Icon_minitimeالجمعة فبراير 19, 2010 11:16 am

{ ~ أنفَآسّ آلألم كتب:
الشاعر سيد حاتم الهاشمي

صح لساانك مددوشكراً
لا تفي امام هذا النبع
الرائع الذي تدفق على سواقي الصفحات

تحيةمعطرة بالورد والياسمين
اهديها لقلبك وقلمك


تحيتي

شكرررررررا لك ولمرورك العطر تقبلي مني ارق التحايا اخوك الشاعر حاتم الهاشمي
الرجوع الى أعلى الصفحة اذهب الى الأسفل
غلا الروح
مشرفه
مشرفه



عدد الرسائل : 34
تاريخ التسجيل : 12/06/2010

ديواني ((عونك ياوطن )) Empty
مُساهمةموضوع: رد: ديواني ((عونك ياوطن ))   ديواني ((عونك ياوطن )) Icon_minitimeالسبت يوليو 10, 2010 12:06 pm

قراءة ما كتبت كانت صوره لرسم العراق
رائعه جداواحسست من خلال قراءتي حس العراقي الاصيل الوفي
بارك الله فيك وربي يوفقك نشالله

الرجوع الى أعلى الصفحة اذهب الى الأسفل
الشاعر حاتم الهاشمي
المدير العام المساعد
المدير العام المساعد



عدد الرسائل : 13
اوسمة : ديواني ((عونك ياوطن )) 9f14e6fcb1
تاريخ التسجيل : 16/02/2010

ديواني ((عونك ياوطن )) Empty
مُساهمةموضوع: رد: ديواني ((عونك ياوطن ))   ديواني ((عونك ياوطن )) Icon_minitimeالإثنين سبتمبر 20, 2010 3:10 pm

شكرررررررررررررا لمروركم العطر تحياتي لكم مع الحب والتقدير
الرجوع الى أعلى الصفحة اذهب الى الأسفل
 
ديواني ((عونك ياوطن ))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
@ نور الحياة @  :: منتديات نور الحياة للشعر/اشراف الكناري :: ديوان الشاعر الكبير السيد حاتم الهاشمي-
انتقل الى: