الكناري يونس الجبوري المشرف العام
عدد الرسائل : 1100 اوسمة : تاريخ التسجيل : 14/05/2008
| موضوع: يگولولي مشاعر بس بالاشعار السبت مارس 27, 2010 12:40 pm | |
|
يگولولي مشاعر بس بالاشعار ييونس تكتب ووين التصاوير
شيريدوني ادبلج فلم عطار واعرضلهم بطل يحسب دنانير
لو اثرم طماطه وبصل وخيار واطعمهم زلاطه ويَ العصافير
لو ارسم حرامي يحفر آبار ويطلع الهم نفط من النواعير
راح ارسم جهال وكلهم زغار رمو قمصانهم بس بالناطير
يشجعنهم عجايز داخل الدار ولهم هوسه مثل كورة زنابير
ودشرو بالشوارع ليل ونهار وبيديهم سچاچين وسواطير
وبيديهم مدافع من هالكبار وتگله كش واحدهم غدا يطير
لا همهم عجاج وكثرة امطار وتشجعهم على ذلك جماهير
ابد ميسجل التاريخ ثوار اذا يبقى العراق بدون تحرير
وابد مايرحم وينطيهم اعذار لان حرب الفتن مثل التنانير
تلف الاخضر ويابس والاثمار وماترحم ابد حتى المكاسير
الامل بالله يچعم كل الاشرار ويلم شمل العراق بلا محاذير
وابن زاخو يشتي بنص الاهوار ويصيف ابنچ يبصره فوگ هولير
وابن ميسان يتغدى بالانبار ويونس هالشويخي انوب ميحير
والقطط يومن تزوم تغير عالفار مثل خوط النشامى بالچفاجير
يحطون المرگ للضيف والجار واللحم الهم لان فيه المحاذير
احنا جبور لو مرينا خطار تهيج الحيل وسمان المغاتير
لنا التاريخ شاهد فيه آثار ولنا بسوح الوغى احلى الاساطير
يزعلوني وانا من شدة النار اريد العن ابو نص التصاوير
يگولولي مشاعر بس بالاشعار ييونس تكتب ووين التصاوير
الكناري يونس الجبوري 27/3/2010
| |
|