اذا كان سكوتك من ذهب يا لسان
كلامك يضمن الفضه
وجبيره السالفه ببغداد
خلكك لازم اتفضه
اضل جم دوب اغض الطرف هنه هواي
مل مني الطرف من كثر ما غضه
مديت الحبل كله على طوله وياك
رد مكطوع اثاري الفار جان بعبك يكرضه
مثل الذيب لمن شاف لية الشاة
تسرفن كام يتوضه
اجاكم للحلك مجتوف
مثل جامة بغل بشعير
دنك نابك يعضه
شيصير الوطن بعد شيصير
(
فخختوه وفجرتوه مثل عبوة حقدكم طار واتشضه
اجينه انلملمك تاري جسد مجروح
يصيح احاه بويه منين ما كضه
احتلال طائفيه احزاب تيارات كلها بساحة المذبوح مكتضه
ديمقراطيات كل الناس امان وخير
بس احنه احتلال وطائفيه ومهزله وفوضى
عساها ببخت كلمن ساس بيها
ودمر شعب العراق ودنسو ارضه
شيصبر الروح لما تشوف
جيش الغاصب المحتل يمشي بطوله وبعرضه
لا صارت ولا اتصير بقرن الواحد وعشرين
يحتل العراق وينتهك عرضه
واحنه الكاع منه اتخاف
اذا ندبج عليها وثوبنه انفضه
جم واحد بواحد عال بينه وخاب
ورد لمه ذليل مفين بحضه
واحنه الهوه بس الهوه نسمحله يمر خشم العراقين
واذا بيه ريح صفره انسده ونرفضه
كلي شورطك بينه يا راعي الهوش
غير الندم عض ابهام ما تحضه
جاي انت على اهل الراي
رايد رايك اتفرضه
ولك احنه العراقيين من نختاض
على امنه وابونه تمر ساعات مانرضه
_________
انتظر ردودكم الجميله
الباش ابن تكريت