يونس ألجبوري المدير العام للمنتدى
![المدير العام للمنتدى المدير العام للمنتدى](https://2img.net/i/itest/ranks/stars/stars12.gif)
![يونس ألجبوري](https://2img.net/u/1711/27/03/52/avatars/1-1.jpg)
عدد الرسائل : 48 اوسمة : ![ودي بهمساتك تذوب مسمعي W1](https://2img.net/h/www.eshrag.net/vb/images/w1.gif) تاريخ التسجيل : 14/05/2008
![ودي بهمساتك تذوب مسمعي Empty](https://2img.net/i/empty.gif) | موضوع: ودي بهمساتك تذوب مسمعي الإثنين يناير 12, 2009 10:54 am | |
|
ما ابيك ترسل لي ورود وما ابيك تهدينــــي عطـــر
ودي بهمساتــــك تــــذوب مسمعـــــي ليل ونهــار
أقوم واجلــــــس وسط حضنك وأعشقك طول العمر
ياللي عليك رمــــــوش عيني من محاجرها تغـــــار أسهــر معــــك وأغازلك واداعبـــك صبح وعصـــر
وأشب جمر الشــــــوق فينـــــي لين حــــد الإنهيار
وأزعلك وارضيــــــــك بأبياتـــــي وقيفان الشعــر
وتشــــوف عيني من كثر ماهي بكت تقدح شـــرار
أرجــــوك لا تطــــــري الرحيل ولا مواعيــــد السفر
أصلآ انا من لي ســــواك انت وغـــــلاك بإختصــار
تــــدري أحبــــك وحيـــل تتغلــــــى وانا بس انتظر
وأردد بصوتـــــــي أبيــــك وحبــــي لك آخــر قرار
تبقــــى بحياتـــــي طفل يضوي عتمة أحداق النظر
وإن غبت غابت بسمتــــي والضــي خاصمني وسار
يا فرحــــــة سنينـــــي انا ما ابيـــــك يــوم إلا دهر
بعدك أمــــوت وانــــذوي تحــــت مسمى الإنكسـار
| |
|