ذكريني شفتج وين؟؟؟؟؟؟؟

شفتج من زمان!!!!!!
ذكريني شفتج وين؟؟؟؟؟؟؟
يلحسنج مصيبه مدوخ الصوبين

يا ام الكصيبه الشكره مجدوله
احمد يعشقج ويذوب بيج حسين

يحلوه وصابره ومحتسبه بالكلفات
مريم اسمج انتي كولي لو نسرين

بشرى لو تماره آيه لو كوثر؟؟
لو سوزان انتي ومن جبل سفين؟؟

شلون رموش تسحر من نظرتيله
يم عيون تعشقها صلاح الدين

كل شاعر تغنّى بحسنج الفتان
وكل ناسك تعبد بيج باسم الدين

وكل الناس توكف لو ندهتيهم
ووراج الناس يومن بالدرب تمشين

جمعتي بالحسن كل رقة الاهوار
وكل طيبة البصره وكل كبر حمرين

من اربيل انفاسج عطرها يفوح
من الانبار عندج شيمة الطيبين

ومن نخل العماره الشامخ ومهيوب
واذا تبجي النجف ياعمري تنوحين

ورقة كربلا موجوده بخدودج
وحويتي كل وفاء اهليها الطيبين

بصحراء السماوه الصبر خاويتيه
وتحبي برتقال ديالى وتشمين

يأم الناس انتي حلوه يابغداد
سمره مكحله بيضاء لاتخشين

ربج من خلقنا توام احنا وياج
يابغداد يابغداد يابغداد لا تبجين

اذا عجزت رجال عراكنا من الكون
ولو ابدا متحصل عمري لتخافين

صدكيني العجايز تنزع الشيلات
واذا طلقات ماكو حاربن بالطين

واذا طين العراق بساع خلصنه
بالتفلات صدكو يخسن الخاسين

يابغداد يا بغداد يابغداد لتدوخين

الكناري يونس الجبوري
9/3/2009
السابعه مساءا

يحلوه وصابره ومحتسبه بالكلفات
مريم اسمج انتي كولي لو نسرين

بشرى لو تماره آيه لو كوثر؟؟
لو سوزان انتي ومن جبل سفين؟؟

شلون رموش تسحر من نظرتيله
يم عيون تعشقها صلاح الدين

وربي كلاااام بمنتهى الارووووووووووووعة

تسلم يالغلا
صح السانك
تسلم يمناااك

عاشت الايادي قصيدة جميلة تحسب لشاعرها الذي ينبض بالشاعرية تقبل مروري اخوكم الشاعر حاتم الهاشمي

تحية طيبه ويسلمووو عله الصوره الجميله التي كانت بين طيات ابياتها الجميله ولانك صديق عزيز لم يكن واجب اضافه كلمات اضاعت روعة التغزل ببغداد الحبيبه وخصوصا في البيت الاخير تقبل مروري وعذرا

صدكيني العجايز تنزع الشيلات
واذا طلقات ماكو حاربن بالطين

كان هذا البيت جميلا لو انتهت به القصيده بدون تفلات

التفلات ابلغ سلاح باعتقادي عندما يعجز السلاح

ما اعرف بس ردت تعبير اقرب للقارئ وحته ضرورة شعريه ما الهه هالكلمة يعني اكو اقسى وابلغ منها هواي كلمات

انت ما تدري لكن انا ادري
ان التفلات اقوى من المدافععندما تصمت المدافع وتصبح الاوطان مغتصبه
وان الاحذيه صنعت مالم تستطع صنعه البنادق
اشكر مرورك وحرصك على الصور الجميله
تجد صور اجمل من صوري عند غيري
تابع في مكان اخر وستجد ظالتك
اما انا فمسؤول عما اكتب
تحيتي لك