رووووووووووووائع الابوذيه

الكَمر من شافك ولا هل
والدمع ما نزل لغيرك ولا هل
ومالي دار ببغداد ولا اهـــل
حبيبي ويصعب فراكك عليه

غيرك ما حله لعيني ولا طاب
ودونك مادخل كلبي ولاطاب
وجرحي وياك ماهود ولاطاب
الدم ينزف يل مبعد علية

مرات الليالي تصير مرات..(بعض الاحيان)
ومرات الليالي تصير مُُرات..(مر المذاق)
ومرات الليالي تصير مراِت..(مرا~ة)
ومرات الليالي تصير هية

انا اللي كل وكت كلبي خليلك
وعجيبة شلون ما ترحم خليلك
حبيبي السهر ما اريدة خليلك
لان هو سبب ما صار بية

ولكم ياناس لحكولي يعالم
صار الطفل للفاهم يعلم
صحت ياربي استرنه يعالم
الشغلة اصبحت كلش قوية

بس احنه المصايب صاحبنه
لئن كلساع نفقد صاحبنه
ابنه الطاح محد صاح ابنه
خاف نصيح ويكتلون اخيه

كلبي من الصغر حبك ولاذاك
وبعراف الوكت ضمك ولاذاك
لاهمة حجي الواشي ولاذاك
يهمك من تريد تلوذ بية

امس وانه برغد نومي ..طفت بيك
مثل ما طوفن بروحي ..طفت بيك
ابشرك لنار البكلبي ..طفت بيك
وشعل شمع لو جابوك ايه

اوصي الراح والرد مرّساله
عجب شبساع ينسه مرّساله
مشه او وده رساله مرساله
جهنم بالظرف وداهه اليه

صفيت انه وحبيب الروح بالروح
ولوم الكَلب من فركَاه والروح
دعيت الله يبدل روح بالروح
وخذ روحي ولا تزعل عليه

يخي ارسل اللك طارش وعني
جنت غافل مراسيلك وعني
اذا تنشد على حالي وعني
من فركاك بس النفس بيه

يفز القلب من يسمع ولك جاي
اعوفن كل هلي وامشي ولك جاي
حبيبي قوري اصيرنلك ولك جاي
وتخدرني أعلة كيفك كل مسيه