لو تحسين بغلاتك

إبتديت احلى القصايد وابتدئ أحلى الكلام

وجبت لك من كل روضة مربعة بعض الزهور

لو تحسين بغلاتك ما تزيدين الملام

الغلا في كل عين ٍ عاشقه يهوى العبور

للقلوب اللي زعلها ما يوازيه انصدام

أشتري وقت الرضى من قبل للخافق يثور

انظري وش هو مكانك بين كثبان الغمام

وانظري في وسط قلبي بانيه حلو القصور

وانظري للشمس تشرق ينجلي كل الظلام

وأنتي شمس ٍ في حياتي والغلا حولك يدور

كل ما ناحت حمامه نحت انا مثل الحمام

وكل ما شفت الطيور يهزني شوق الطيور

وكل ما شفت الليالي شب في قلبي غرام

وكل ما شفت النجوم أكتب لها بعض السطور

نعنبوه العشق والله من عرف دربه يضام

وأنتي أغلى من عرفت وعاشقك مغرم صبور

من عرفت عيونك اللي ارسلت أقوى السهام

ما تهنيت بحياتي واعتلى بالي قصور

ولا تهنيت بشراب ولا تهنيت بطعام

أذكرك حورية ٍ تغري بوقفه بين حور

واذكرك لا بان صبحي واذكرك عند المنام

واذكر اني كل مرة أذكرك شفتك بدور

من يلوم اللي عشق بنت ٍ لها شوق وهيام

جادل ٍ تمشي بطيب اخلاقها بين الحضور

إن مشت بين الزهور النادية تلقى انسجام

كنها نرجس ربيع وكنها طيب وعطور

ما مشت إلا وهي تكتب على الإرض انهزام

من لقاها يحسب ان البنت يغلبها الغرور

وجهها كنه إذا ما شفتها بدر التمام

وعينها لا سلهمت تدخل على القلب السرور

والشفاه أحلى شفاة ٍ لا ارتخى بعض اللثام

والشعر لامن لمحته هاضني لأقصى الشعور

جيدها مثل الغزال ورمشها ريش النعام

صوتها يحكي عذاب ٍ كامن ٍ فيها شهور

لا حكت حاز الكلام بصوتها أغلى وسام

وكل حرف ٍ تنطقه يكسب من شفاها حبور

كيف ابوصفها وهي حشمة وتمشي باحتشام

كن لمستها بها تجبير مستعصي الكسور

وإن نوت تعشق تراها جردت سيف الإمام

تذبح اللي تعشقه وكل عين ٍ له تخور

ليتها يوم اذبحتني بالتغنج فالغرام

ادفنت قلب ٍ هواها ولا ربح وسط الصدور

وأكتبت اسمه على جنحان طير ٍ للسلام

واعتنت بالصدر يوم انه غدى مثل القبور

انتهت رحلة عذاب ٍ في هوى أحلى الأ نام
وليت ربي يجمع القلبين من بعد النشور

زائر

من عرفت عيونك اللي ارسلت أقوى السهام

ما تهنيت بحياتي واعتلى بالي قصور

ولا تهنيت بشراب ولا تهنيت بطعام

أذكرك حورية ٍ تغري بوقفه بين حور

واذكرك لا بان صبحي واذكرك عند المنام

واذكر اني كل مرة أذكرك شفتك بدور

مشكوووووووووووووووور على هذا الشعر وهذ الشعور

تقبل مروري