الكناري يونس الجبوري المشرف العام
عدد الرسائل : 1100 اوسمة : تاريخ التسجيل : 14/05/2008
| موضوع: متى تحس ان الهوى شئ مقسوم الخميس أكتوبر 16, 2008 3:42 pm | |
| افتح شبابيك الهوى جيتـك اليـوم بحساس من زود الوله عده ايطير
جيتك مثل طفلن له ايـام محـروم
عن حضن امـه بعدتـه المقاديـر
وجيتك مثل عودن له ايام مهمـوم
وده يلاقي باخـر الوقـت تقديـر
وجيتك حضن عاشق وهايم ومغروم
وده يضمك لين تصبح على خيـر
متى تحس ان الهوى شي مقسـوم
من قسمة الخالق على خلقه يصير
ومتى تحس اني لك اطيـح واقـوم
واتعب على شانك واقدرك وآغيـر
لي في هواك احلام وامال وعلـوم
واحزاب واصحاب وقصيد وجماهير
وهموم وافكار وهواجيس وحلـوم
وادروب واخطار وعذاب ومشاوير
وحب وغلا واخلاص ومعاند ولـوم
واحساس واللهام وشعور وتفاكيـر
وصحبة سهر ومقاطعة لذة النـوم
واشواق جياشه وعشـق وتعابيـر
في ذمتك مابان لـك شـي مكتـوم
من بعد ماصورت الاوضاع تصوير
لاتحسب انك شي عابـر ومعـدوم
وتاريخ حبك فاق كـل الاساطيـر
كنـي لقيتـك بأغنيـه لأم كلثـوم
وكني قريتك في روايـة شكسبيـر
في كل شي اتخيلك واسمعـك دوم
واتأملك في الوقت الأول ولآخيـر
من ماضي الأيـام لايومـك اليـوم
وغلاك عندي ماحصل فيه تغييـر
وانا لك الله مأقبل البيـع والسـوم
ولا ارضى علي ولاعليك المخاسير
لاْني الوحيد اللي على بحرك يعـوم
واللي عرف مرساه في رحلة السير
لحظه حبيبي قبل يسبقنـي النـوم
بضم صدرك لين تصبح على خيـر
| |
|