لآلي تتناثر

موضوع: لآلي تتناثر الأربعاء أغسطس 12, 2009 6:48 am

بسم الله الرحمن الرحيم
احبتي يا اشباح منتداي
ايها الثكلى ايها الجامدون بلا حراك جئت لاتوسطكم اليوم واهتف باعلى صوتي موتو لا ابقى الله منكم نفرا على قيد الحياة وان صحوتم فانظرو الى نور الحياة المتجدد .
لقد وجدت تؤم روحي وجدت من يتكلم بما اشعر به بما عجزت انا عن قوله للاخرين لقد عثرت على توؤمي في احد المنتديات وها انا الان جئت بما خطته تلك الانامل الماسيه بكل امانه وارجو ممن يصحو منكم عدم الرد على الموضوع وتعكير صفوه دعوه انه موضوع خاص بي ساحذف اي رد يأتي هنا ما عليكم ايها الاشباح هو المطلعه والاستفاده هذا لو كانت لكم عقول

الموضوع
ــــــــــــ
السلام عليكم ورحمة الله وبركاته
مابعرف ليه خطر عبالي اعمل هالصفحة واكتب فيا شو بيجي عبالي بلهجتي ومش بالفصحى حتى كون مرتاحة وعبر اكتر بحرية بتمنى ما تلاقوا صعوبة بتعبيري

رح عرفكن عن حالي
اسمي (لحظة صمت) لاني بعشق الصمت واحلا لحظة عندي لما بكون ساكتة لوحدي وما حدا عمبنقر فوق راسي يعني بيزعجني

عمري بصراحة بنسا ادي لان بنظري العمر هو عمر الروح لما نكون من جوا شفافين بيعكس هالشي على وجنا ومهما كبرنا بالعمر لازم نخلي لو مساحة زغيرة للطفولة اللي فينا لان لو نسينا الطفولة رح ننسا اشيا كتير واول شي البراءة (يا الله ما احلا هالكلمة) بصراحة ما عدت شوف حدا برئ ما بعرف الدني شو صايرلا الناس كلا محت كل شي حلو جواتا وقليل كتير الناس اللي فيها شوية طفولة بس بضل في الاشخاص لمنيحة والطيبة والاخلاق العالية اللي متلكن وصدقوني ما عمجامل هالشي من قلبي

صرت عمحس ان هالمنتدى بيتي مش صفحة بفتحا ولا اسماء مكتوبة كل حدا فيكن هون صرت بعتبر شخص عزيز علي وكاني بين اخواتي
وان شاء الله منضل هيك دايما

وجعتلكن راسكن بحكياتي بس انا انبسطت كتير لان سمعتوني وان شاء الله رح احكي اكتر معكن واصرعلكن راسكن بالحكي هههههه

رجعت تاحكي عن اول صدمة بحياتي
لما فقدت الماما وكان عمري 13 سنة وصار عندي متل الحفرة بقلبي لاني فقدت اغلى انسانة على قلبي وحسيت من بعدا اني وحيدة محرومة من احلا كلمة بالدني كلمة ماما .
كنت فوت عالغرفة وسكر الباب عليي تماحدا يسمعني وصير احكي كاني بحكي معا وما كنت اسمع الا صدى صوتي .
صدقوني اصعب شي فراق الام بدي قول لكل حدا بزعل امه ولكل حدا بصرخ بوجا وبيتركا غضبانة عليه اصحا انت خسرت كتير احمد ربك وروح بوسلا اجريا وخد رضاها لانك بنعمة وما بتعرف قيمة هالعمة الا اذا لا سمح الله فقدتا بكفي ان الجنة تحت اقدام الامهات

اتركني مرة كون حدك موجودة عطول بحضنك ارسم احلامي وانت تسافر فيني عمطرح مافي بشر مافي حدا الا الحب المجنون

لما كنت زغيرة كنت احلم دايما ان صير كبيرة والبس لبس الصبايا والكعب العالي وروح على خزانة الماما واخد تيابا والاحذية تاعولا اكرمكم الله وروح البسون واتخيل اني سندريلا بس للاسف ان ما كنت افهم ان لما نكبر رح نتخبط بماسي الحياة وترمينا ببحرا من موجة لموجة وتدوخنا بزواريبا اللي ما الا نهاية وفهمت هلا ان كل اللي كنت احلم فيه مجرد مظاهر مزيفة وكذب وخداع بنتخبا وراهن والانسان بمعدن من جوا واخلاق وطيبة قلب

ما تنغروا ابدا بالمظاهر لا بالشخص الهادي ولا بالشخص الحنون لان ممكن كتير يكون من برا نضيف وابيض بس من جوا اسود ومزيف

ولازم دايما تجربوا الاشخاص وتحطوا بمواقف حتى يبين معدن لان ما ببين الانسان الاصيل الا وقت المحنة

شو نفع الجمال والقصر العالي وتعطيني الالماس وكل شي غالي
والاخلاق اخدت اجازة وسافر عبلد ما لوا تاني
اخلاقك هي مرسالك جوازك بين الغوالي علٌيها واعملها عنوانك حتى تضلك بعيونن غالي

الحياة مدرسة بنضل نتعلم فيها لحتى نموت
واهم شي انك تتعلم من صدماتك واغلاطك وكل ما وقعت ترجع توقف عاجريك وتبتدي من جديد الدني ما بتوقف عندي اي شي حتى الموت
وغصب عنك بدك تكمل فيها مش بارادتك فعشان هيك لازم تتعلم من صدماتك والصدمة بتقوي ما بتضعف

تعلمت منك يا قدري ان اداوي جرحي بنفسي
اتلقى الصدمات واحدة تلو الاخرى مثلما يتلقى شاطئ الرمل امواج البحر
تغلسني جراحي واحيا من جديد امراة قوية تتحمل كل انواع العواصف والصدمات

احلا شي بالدني انك تعيش وراسك مرتاح من دون عم وغم وتتعيش هيك لازم اتطنش يعني تنسا وتمرق كل شي وترمي ورا ضهرك واذا ما عملت هيك صدقني رح تكون حياتك صعبة كتير وبس يصير عمرك 40 بتبين كان عمرك 60 سنة واكتر عيش الحياة متل ماهي اقتنع بذاتك وباللي معك لا تطلع على شي ما عندك اقتنع بالموجود واتفاءل بالخير بتلاقيه.

مشكلتي اني بفهم من نظرة الاشخاص اللي حوليي وهالشي بسببلي مشاكل كتير لان احيانا في اشخاص بتفرجيك ان هي بتحبك كتير وان انت احسن شخص بالدني ومافي قبلك ولا بعدك وعيونا بتنطق كره وحقد وغيرة ومن وراك بتحكي عليك وبتصير تستغيبك بقصص وحكايات خيالية لحتى تسود وجك وتشوه سمعتك بين الناس وبهالطريقة بتكون طلعت شو من الغل والكره اللي جواتا انتبهوا كتير من هالاشخاص وخليكن دايما اخدين حذركن حتى ما توقعوا بالفخ القلب الطيب ما بينفع بهالزمن
ان لم تكن ذئبا اكلتك الذئاب

كل لحظة بعمري بدي ياها تكون معك
نحلم سوا نطير بالهوا وجنون يحملنا سوا
مابدي انطر اكتر الليل وحدي بخوفني بدي تجي بسرعة لعندي وبايديك تحملني ونسافر عكوكب بعيد ونخلق سوا يوم جديد كل اشواق وحب وجنون ما بعد جنون

الحب

لحظة جنون

تضحية لابعد الحدود

عطاء
احترام
امان
ضعف واشتياق
امل
صبر صبر صبر صبر صبر

هيدا هو الحب الحقيقي

هيدا الحب اللي منحلم فيه واذا عنصر واحد انفقد من العناصر اللي حطيتا طار الحب منشان هيك بقولوا الزواج ببعد الحب
بخلي يطير متل العصفور وما يرجع ابدا مش لان الزواج هيك بيعمل لان نحنا ما منعرف نحافظ عليه

لما الرجل يتزوج بطمن بال ان حبيبة صارت عند ببيت مامن عليا
بينسا الورد الاحمر
بينسا الرومانسية
بينسا كل ي كان يعمل قبل الزواج

بصير تفكير شغل وبيت ونوم والزوجة مجر انسان بشارك المسؤولية
وبيطلع بحجة ان هو عمبامن مستقبل عيلة وببلش البرود يفوت بيناتن
الزوجة بتهمل نفسا نفسيا وليا وثقافيا

وفجاة منلاقي الحب انفقد صار تعود وصار روتين
وشوي وشوي كل واحد بصير بعيد عن التاني
تيصيروا اتنين ببيت واحد بس كل واحد بعالم وكل واحد بمكان الافكار بعيدة والصمت هو سيد الموقف

الشي الوحيد اللي بخلي الزواج يستمر صح هو عنصر واحد
الاحترام
اهم عنصر بالزواج

لما نفقد الاحترام بصير كان عايشين بحرب والزوجين اعداء لبعضن كل واحد ناطر التاني عدأرة تينزل فيه القتل بكل الاساليب وكل الاسلحة ومهما كانت النتيجة وبينتهي الزواج او بطلاق رسمي او بطلاق جسدي ونفسي بعيش ببيت واحد وكل واحد مستقل عن التاني وهالشي بصير لما يكون في اطفال حتى ما ياثر عليون نفسيا

لا تنغروا بالحب قبل الزواج هيدا مش حب مجرد اعجاب بالشخص الاخر
الحب ما بيجي مظبوط الا لما تعيوا سوا ببيت وكل واحد يعرف طباع التاني
ودايما دايما دايما حكموا عقلكن قبل قلبكن حتى ما تقوعوا بصدمة اكبر من استيعابكن ولا تنغروا بالرومانسيات والصور الرومانسية والكليبات اللي بحطوها بالتيفي والقصص الخيالية
هيدا مجرد تمثيل مش حقيقة ومش موجود مبالغ كتير تيضحكوا على عقول الشباب ويعيشوكن باوهام مش موجودة ولما تتزوجوا بتفيأوا عواقع غير اللي حلمتوا فيه وبتبلش توقع المشاكل

الحب مش كلام
الحب بالافعال والتصرفات
الحب بالمواقف
الحب بالتضحية والقناعة والتشجيع والصبر

لما تحبوا احذروا بالاختيار وما تغلطوا لان الغلطة تمنا غالي كتير كتير كتير

مش جاية قللك اني بحبك
جاية قول ان حبك قتلني

انا عندي حنين
حنين لوطن غاب فيني
حنين لام ضاعت من سنيني

حنين لطفولة كبرت فيني